Setsebi sa Moya se Sentetšwe ka Morero wa Polao

Setsebi sa moya se tšwago Makhanda, Eastern Cape, se sentetšwe mengwaga  senyane(9), eupša kahlolo e laeditšwe gore e tla emišwa mengwaga e hlano(5).

Sehlopha sa tsheko se hweditše gore Ntombentsha Limbo o dirile diphoso tše kgolo ka kalafo ya gagwe, yeo e feleleditšego ka lehu la Agcobile Busakwe, yo a bego a na le mengwaga masome(10). 

Ka 4 Octobere 2023, Agcobile o ile a ya go Limbo le tatagwe ka lebaka la mathata a bophelo le sekolo.

 Limbo o ile a mo laela gore a nwe meetse a letswai go mo thuša go hlatsa. Tatagwe o ile a kgona go fetsa meetse, eupša Agcobile o ile a palelwa, a tlogela.

Ka morago, o ile a thoma go kwa bohloko hlogong le go lapa. 

Ge boemo bja gagwe bo tšwela pele go mpefala, Limbo o ile a dira enema ka meetse a mangwe.

Agcobile o ile a lla, a bolela gore o tlo hwa, eupša Limbo o ile a bolela gore ke moya o mobe o lwantšhago kalafo.

 O ile a tšwela pele ka kalafo e sa tlwaelegago, a mo tshela meetse ka mahlo, dinko, ditsebe le molomo. 

Tatagwe o ile a leka go mo iša boekelong, eupša Agcobile o ile a hlokahala ge a fihla.

BALA GAPE:“A ba tswale ba ate monapelo ga a tsebje”

 Ngaka ya tsheko e boletše gore ge kalafo ya sepetlele e be e dirilwe ka pela, bophelo bja gagwe bo be bo ka phološwa.