Seema: Se bone thola boreledi teng ga yona gwa baba

Diema le dika ke dilo tše bohlokwa kudu, gomme mang le mang o swanetše go di tseba ka pelo.

E re ke fegolle se borala ka seema se: Se bone thola boreledi teng ga yona gwa baba.

Seema se se se hlaloša bophelo bo releng go bona lehono, ke ra bona bophelo bja phadišano.

Go nale kgatelelo le phadišano ye ntšhi magareng ga rena batho, ebile seo ga re sefe šeedi ka botlalo.

O ka duma motho a nale tše botse ebile pelo ya kwa bohloko, wa botšiša morena Modimo gore gobaneng wena o sa hwetše.

Efela o bona tša ka ntle fela elego tšona tše botse tša go goketša, eupša ao tsebe dika-gare goba ona makunutu.

Seema se se hlaloša gape gore o seke wa duma dilo tše o di bonago ka ntle fela ntle le go tseba ditlamorago tša tšona.

“O seke wa bona dilo tša go phadima ka ntle fela”, ka teng ga gona go hlaba bjalo ka mootlwa wa motolo.

Ge ole motho ga wa swanela go phela ka phadišano goba go ikgatelela ka dilo tša lefase, phela ka bohlale.