Seema: Kodumela moepathutse, a go lehumo leo le tšwago kgauswi

Ye ke nalo ye boima kudu go barutwana ba dikolo, ka ge ele gore ke nako ya diteko tša mafelelong a ngwaga.

Tekakwešišo ye ngwe le ye ngwe e bohlokwa, ka lebaka gore ke yona etlo tlišago dipoelo tše botse mafelelong.

Seema se ke se ratela gore se hlaloša ntlha ya bohlokwa kudu, gomme mang le mang o swanetše go se kwešiša.

Se hlaloša gore le ge gole boima mo dithutong o swanetše go šoma le go feta gore o kgone go fihlela seo o se nyakago.

“Ga go lehumo leo le tšwang kgauswi ” mmolelwana wo o gatelela taba gore dilo tše dibotse di tšea nako.

Ebile o swanetše go šoma ka maitemogelo le boikgafo gore o kgone go ba le bokamoso bjo bo botse.

Maeele aka go batho bao ba nyakago thuto ke gore, kgotlelelang ebile le šome ka boikgafo le tlo iteboga ka morago.

Thuto ke ya mang le mang yo a nalego maikemišetšo, le ge o godile o ka ithutela selo seo o nyakago goba sona.

Bafsa ba swere bokamoso bja naga ya rena, bjale ba swanetše go kodumela le go šoma le go feta gore ba tšwelele.